मावुर मुके वालिर

मावा आदिवासि गोंडि/कोया समाज्नगा वेलेटिर मुके लोकुर मंतेर. वूर मावा समाज्नुरकुन सुद्रि कियन साटि तम्वा जिन्गनितगा बच्चोंगो आपतिंग बोगे मातेर. वूर गटि-दीर्या कीसि ताक्ततुन हिंदल ममोट इंके सुक-सांत्ने पिसेर मंतट. वूर मावंग हकुन साटि, मावंग बोमिंग, येर अनि केडतुन (जल, जंगल, जमिन) साटि बच्चोरे लडे मातेर. तम्वंग जीवन अर्पना कीतेर.

वूर्गटल कहितुर मुके वालिर बूर इत्तेके कुम्रम बीमु, रान्जि गोंडु, बीर्समुंडा इंवलिर मावुर तादुर-बाबुर आंदिर. अह्‍ने मावंग हकुन साटि अनि मावुर चोकोट पिसन साटि पर्पेडे मातुर बूर इत्तेके हैमन डार्प साब, मडवि तुकारम साब आंदिर. वीर सम्दिरा काया-कस्टम्ना पंडितुन हिंदले मरट इंके मावा बोमितग मरट पंडुस्ता पंटतुन, मावंग रोह्‍क्नगा मन्जेर पेटिमेन तिन्जेर मंतट. अदेन साटि मरट वूर मुके वालिर तादुर-बाबुरकुन हेतु कीसेर, वूरकुन मान सीसेर, दनेवाद वेह्‍वलिर आसि मंदना इन्जेर कोरन्जन कीसेर मंतोम.