मा कोय्तुर बारत देस्नंग मद्या पर्देस, महरास्टा, चतिस गड, ओरिस्सा, जार्कंड अनि तेलंगाना रास्टल्क्नगा पग्रे मासि मंतेर. बद रास्टम्नगा मत्तेके गिर मावुर गुटंग-केडेनगा येव्सा कीसेर नियत्ने पिसेर मंतेर. मा कोय्तुर केडतुन बचि किय्वलिर आंदिर. मा आदिवासि कोया राजलिर तोले वेले चोकोट राज ताकुस्तेर. नमुनतुन वूरंग किलंग इंकेट्क निल्सि मंतंग. अव इंके कचर गाड, चंद्रपूर, अहेरि, उट्नूर, सिर्पुरता सितगोंदि, उट्नुर अनि निर्मल जागनगा मंतंग. बति दुस्रोक जातिनुर वासि, वूर पोरो मुच्लि अर्सि, वूरा अदिकारदुन, वूरा हकुन जबर दस्तिते येत्तेर. पेजेटल वाय्वलिर वूर दुस्रोक जातिनुर तम्वा पोरोल अनि कीर्ति कमय किय्ले सूड्सेर मंतेर. मावुर राजलिरकुन, मावंग रानिकुन, मावंग हकुन साटि लडेय कीतुर कुम्रम बीमुन, रान्जि गोंडुन, बीर्सा मुंडन मरुंग्सि सीसेर मंतेर. इद तीर्दे मावा कोया समाज्ना येरियतगा जर्ग्सेर मंता.
