𑵭𑶊𑵻𑶋 𑵱𑶋𑵬𑶗𑵵𑶐 𑵸𑶈𑶗𑵰𑶊-𑵶𑶗𑶈𑶕𑵳𑶗𑵺𑶄 𑶅𑶍𑶉𑶗𑵳𑵱
𑵮𑶊𑶉𑶊 𑵢𑶕𑵭𑵵 𑵮𑵶𑵭𑶕𑵳𑵵 𑵺𑶈𑶋𑵰𑵺𑶗𑵱𑵺 𑶉𑶌𑵳𑶊 𑵭𑶈𑵰 𑵡𑶕𑵸𑶍. 𑵢𑵸 𑵮𑶊𑶉𑵳𑶍𑵺 𑶇𑶋𑶕𑵸𑵵𑶐 𑵰𑶊𑵬𑶗𑵺𑵵𑶋𑶈 𑵱𑵵𑶋𑵳𑵶𑶊 𑵰𑶕𑵭𑵵𑶗 𑶉𑵰𑶗𑵸𑶓 𑶀𑶊𑵳𑶋-𑶀𑶕𑵭𑶈𑶗𑵳𑵵 𑵭𑶐𑵵𑶐 𑵠𑵵𑵶 𑵰𑶕𑵳𑶓𑶈. 𑵰𑶊𑵬𑶗𑵺𑵵𑶋𑶈 𑵭𑶓𑶈𑶓𑵺 𑶉𑶄𑶊 𑵭𑶓𑶈𑶓𑶈 𑵭𑶂𑶗𑵱𑵺 𑶉𑶊𑵽𑶋, 𑵳𑵰𑶗𑵶𑶊 𑵰𑶕𑵭𑵵 𑶉𑶓𑵺𑶗𑵻-𑵭𑶋𑵻𑶈𑵸𑶍𑵺, 𑵱𑶍𑶉𑶊-𑵡𑵺𑶕𑵸𑶍𑵺, 𑵱𑶊𑵬𑶊-𑵱𑶉𑶗𑵽𑵰 𑵠𑵺𑶋 𑵸𑶍𑵱𑶗𑶉𑵳𑶍𑵺 𑵭𑶐𑶇𑶗𑵻𑶋 𑵳𑶓𑶇𑶗𑵵𑶐 𑵱𑶊𑵰𑶋 𑶉𑶌𑶕𑵳𑶊. 𑵢𑵸 𑵸𑶍𑵺𑶋𑵬𑵳𑶍𑵺 𑵶𑶂𑶋 𑵱𑶌𑵳𑶓𑶈 𑵭𑶓𑶈 𑵮𑵶𑵭𑶕𑵳𑵵 𑵳𑶕𑵭𑶊 𑶉𑶄𑶊 𑵶𑶋𑶈 𑵭𑶂𑶗𑵱𑵺 𑶉𑶊𑵽𑶋 𑵠𑵺𑶋 𑵮𑶊𑵭-𑵮𑵱𑶗𑵳𑶋𑵳𑶊 𑵵𑶊𑵶𑶋-𑵮𑶊𑵶𑶋𑵳𑶐 𑵰𑶕𑵸𑵺𑶊 𑵢𑵺𑶗𑶀𑶐𑶈 𑵸𑶈𑶗𑵰𑶊-𑵶𑶗𑶈𑶕𑵳𑶍𑵺 𑵵𑶋𑶇𑶋 𑵱𑶋𑵬𑶍𑶉𑶋 𑶀𑵶-𑵸𑶍𑵺𑶋𑵬𑵳𑶍𑵺 𑶉𑶌𑵳𑶓𑶈. 𑵢𑵸 𑵸𑶈𑶗𑵰𑶊-𑵶𑶗𑶈𑶕𑵳𑶗𑵺𑵶𑶊 𑶅𑶎𑶈𑶓 𑶉𑶊𑵽 𑶉𑶊𑶈𑶍𑶄 (66) 𑵻𑶍𑶂𑶗𑶂𑶍𑵱 𑶅𑶍𑶉𑶗𑵳𑵱 𑵰𑶕𑵳𑶄. 𑵢𑵭𑶐𑵺𑵵 𑵵𑵶-𑵮𑵶 𑵠𑶈𑶗𑵸𑶓 𑶅𑶍𑶉𑶗𑵳𑵱 𑵰𑶊𑵭𑶄 𑵱𑶓𑵬𑵺𑶐 𑵵𑶋𑶇𑶋 𑵱𑶋𑵬𑶗𑵭𑵵 𑶀𑶈𑶗𑵶𑶗𑵳𑶊.
𑵢𑵸 𑵶𑶗𑶈𑶕𑵳𑶗𑵺𑵶𑶊 𑵱𑵵𑶋 𑵮𑶇𑵺 𑵺𑶋𑵭𑶗𑶂𑶐 𑵰𑶊𑵳𑶊? 𑵰𑶓𑵸𑶓𑶂𑶓𑶈 𑵺𑶈𑶋𑵰𑵺𑶗𑵱𑵵 𑵮𑶇𑵺 𑵺𑶋𑵭𑶗𑶂𑶐 𑵰𑶊𑵳𑶓𑶈? 𑵭𑶓𑵺𑶗𑵶𑶊 𑶀𑶌𑵭𑶊 𑵠𑵺𑶋 𑵡𑵳𑶗𑵰𑶊 𑵮𑵶𑵽𑵵 𑵭𑶊𑵳𑶊? 𑶇𑶈 𑵭𑶓𑶈𑶓𑶈 𑶉𑶊𑵳𑶊 𑶅𑶐𑶀𑶐 𑵮𑵶𑶊 𑵸𑶊𑶕𑵳𑶓𑶈? 𑶅𑶊𑵳𑶂𑵳𑵶𑶊 𑶉𑶓𑵺𑶗𑶀𑶋 𑶉𑶋𑵱𑶗𑶉𑶊 𑵮𑶓𑵶𑶐 𑵰𑶊𑵬𑶗𑵭𑵱 𑵰𑶕𑵵𑶐 𑵮𑵳𑵵 𑵱𑶋𑵬𑵺𑶊? 𑶉𑶗𑵭𑶈𑶗𑵶𑶗𑵺𑵶𑶊 𑶉𑶓𑶕𑵸𑵺𑶊 𑵢𑵳𑶗𑵳𑶐𑵱𑶐 𑵰𑶈𑵽 𑵮𑵳𑵵 𑵱𑶋𑵬𑵺𑶊? 𑵢𑵭 𑶉𑵰𑶗𑵸𑶓 𑶉𑵭𑵵𑵱𑶍𑵺 𑶀𑵭𑵮 𑵢𑵸 𑵶𑶗𑶈𑶕𑵳𑶗𑵺𑶄𑶗 𑶅𑶍𑶉𑶗𑵳𑵱𑶗𑵺𑵶𑶊 𑶅𑶍𑵽𑶕𑵳𑶊. 𑵢𑵭 𑶅𑶎𑶈𑶓 𑶅𑶍𑶉𑶗𑵳𑵱 𑵮𑵶𑵭𑶕𑵳𑵵 𑵰𑶊𑵱𑶍𑵺 𑵮𑵻𑶓𑶈 𑵵𑶊𑶂 𑵱𑶌𑶕𑵳𑶓𑶈 𑵢𑶕𑵭𑶂𑶍𑵺 𑵮𑶊𑶈𑶐𑵳𑶐 𑵭𑶐𑶇𑶕𑵳𑶄. 𑵠𑵸𑶐𑵺 𑶉𑶊𑵽𑶋 𑵢𑵭 𑶉𑵰𑶗𑵸𑶓 𑶅𑶍𑶉𑶗𑵳𑵱𑶍𑵺 𑵭𑶊𑵻𑶋 𑵱𑶌𑶉𑶋, 𑵺𑶌𑵱𑶍𑵺 𑵰𑶕𑵭𑵵𑶋𑵱 𑶉𑵭𑵵𑵱𑶍𑵺 𑶀𑵭𑵮 𑶅𑶍𑵽𑶍𑶉𑶗𑵱𑶋 𑵢𑵺𑶗𑶀𑶐𑶈 𑵱𑶓𑶈𑶗𑶉𑶐𑶈 𑵰𑶕𑵳𑶓𑵰.
Downloads:
